ШҚО әкімі Нұрымбет Сақтағанов V Азия Пара ойындарының жүлдегерлерін салтанатты түрде марапаттады, деп хабарлайды F16.kz.
Айта кетейік, 10-13 желтоқсан аралығында Біріккен Араб Әмірлігінде өткен төрт жылдықтың кешенді жарысында еліміздің намысын тоғыз спорт түрінен 60 отандасымыз қорғап, 68 медаль жеңіп алды. Ел намысын қорғап, жеңіс тұғырынан көрінгендер қатарында шығысқазақстандық спортшылар да бар.
Бұл жарыстарға әлемнің 50 елінен 1300-ден астам спортшы қатысты. Біздің спортшылар жоғары шеберлігін ғана емес, ең бастысы мықты мінезін, табандылығын және жеңіске деген жігерін көрсетті. Ұлттық құрама қоржынына 68 медаль түсті: 25 алтын, 23 күміс және 20 қола, – деді облыс әкімі Нұрымбет Сақтағанов.
Аймақ басшысы спортшылар мен жаттықтырушыларына Алғыс хаттар мен 300 000 және 500 000 теңге көлеміндегі ақшалай сертификаттар табыстады.
Бүгінде өңірде бұқаралық және инклюзивті спортты жүйелі дамытуға баса назар аударылған. Спортшарды даярлап, түрлі деңгейдегі жарыстарды өткізу мақсатында 1628 спорт нысаны жұмыс істеп тұр.
