Өскеменде танысының сеніміне кіріп, тұрғын үй сатып алуға көмектесемін деген сылтаумен 9 млн теңгесін қалтаға басқан күдікті ұсталды, деп хабарлайды F16.kz.
Жедел тергеу іс-шаралары барысында осыған ұқсас бірқатар алаяқтыққа қатысы бар 40 жастағы күдікті анықталған.
Тергеу мәліметтеріне сүйенсек, ол ипотекалық несие рәсімдеуге, жылжымайтын мүлік сатып алуға немесе қаражат салуға көмектесемін деп азаматтардың ақшасын жымқырып отырған. Әрбір жағдай бойынша келтірілген шығын көлемі 3 миллион теңгеден 8 миллион теңгеге дейін болған, — делінген Polisia.kz таратқан ақпаратта.
Аталған факті бойынша сотқа дейінгі тергеу амалдары басталды. Қазіргі уақытта қажетті тергеу әрекеттері жүргізіліп жатыр.
