Шығыс Қазақстанда жыл қорытындысы шығарылып, өңірдің дамуына адал еңбегімен үлес қосып жүрген түрлі сала өкілдері марапатталды, деп хабарлайды F16.kz.
2026 жыл қарсаңында әлеуметтік сала, өнеркәсіп, ауыл шаруашылығы, білім, денсаулық сақтау, орман шаруашылығы, төтенше жағдайлар қызметі, көлік, бизнес және спорт салаларында еңбек етіп жүрген мамандар мемлекеттік, ведомстволық наградалармен және «Өз саласының үздігі» номинациясы бойынша марапаттарға ие болды.
Барлығы 100 шығысқазақстандық құрметке бөленіп, арнайы марапаттарға ие болды. Салтанатты жиында сөз сөйлеген Шығыс Қазақстан облысының әкімі Нұрымбет Сақтағанов адал еңбек, кәсібилік пен жауапкершіліктің маңызын атап өтті.
Мемлекет басшысы Қасым-Жомарт Тоқаев үнемі айтатын адал еңбек, жоғары кәсібилік пен жауапкершілік — бүгінде мемлекет дамуының берік негізі. Құрметті жерлестер, сіздердің адалдықтарыңыз бен өз істеріңізге деген жанашырлықтарыңыз өңірдің өркендеуіне және жаңа жетістіктерге жетуіне зор үлес қосып келеді, — деді аймақ басшысы.
Шара соңында облыс әкімі марапат иелеріне ортақ іске қосқан үлестері үшін алғыс білдіріп, алдағы жылға толағай табыс тіледі.
