Биылғы 5 қаңтардан бастап Өскеменде «Халық бухгалтері» акциясы басталды. Акция аясында мемлекеттік кірістер басқармасында офлайн қабылдау жүргізіледі, деп хабарлайды F16.kz.
Мерзімі:
2026 жылғы 5 қаңтар – 30 маусым
Кімдерге арналған:
Жеке кәсіпкерлер мен шағын бизнес субъектілеріне
Қандай көмек көрсетіледі:
• бухгалтерлік есеп;
• салықтық есептілік;
• ақпараттық жүйелерде жұмыс істеу бойынша түсінікті әрі практикалық кеңестер беріледі.
Жұмыс форматы:
Негізгі формат – Өскемен қаласының мемлекеттік кірістер басқармасында офлайн қабылдау (мекен жайы: Назарбаев даңғылы, 86, 3-қабат).
Облыстың басқа қалалары мен аудандарындағы салық төлеушілердің сұрағы болса 87711238084 телефон нөміріне бейнеқоңырау шалып, жауап алуға мүмкіндік бар.
Кесте:
2026 жылғы қаңтар-ақпан айларында аптасына үш рет (дүйсенбі, сәрсенбі, жұма) сағат 10.00-13.00 аралығы.
2026 жылғы наурыздан бастап аптасына екі рет.
Кеңес берушілер:
• кәсіби бухгалтерлер мен аудиторлар;
• бухгалтерлік қауымдастықтар өкілдері;
• заңнама нормаларын түсіндіру үшін мемлекеттік кірістер органдарының тәжірибелі қызметкерлері.
«Халық бухгалтері» акциясы — салық төлеушілермен жұмыс істеуде бақылау моделінен сервистік сүйемелдеуге көшу жолындағы алғашқы қадам.
Алдағы уақытта құқық бұзушылықтың алдын алуға және консультациялық қолдаудың сапасын арттыруға бағытталған қосымша шаралар іске асырылады.
