Биылғы 11 қаңтарда Өскеменнің Есенберлин даңғылында көлік қозғалысы шектеледі, деп хабарлайды F16.kz.
Бұл – ЖМК ауданында жүргізіліп жатқан құрылыс жұмысымен байланысты туындаған уақытша шара.
Қала әкімдігінің мәліметінше, 11 қаңтар күні сағат 08.00-ден 17.00-ге дейін Есенберлин даңғылында көлік қозғалысы өзгереді. Нақтырақ айтқанда, мектеп маңында салынып жатқан жаяу адамдарға арналған жолүсті өткелінің аралық құрылымын жылжыту кезінде кедергі келтірмес үшін шектеу енгізіледі. Жол Есенберлин даңғылының О.Бөкей көшесінен Меновное ауылына бұрылатын айналма жолға дейінгі аралықта жабылады. Бұл кезде көліктер қосалқы жолдармен жүреді. Аталған аумақта уақытша жол белгілері орнатылады.
Маршрутты алдын ала жоспарлап, мүмкіндігінше балама жолдарды таңдауды ұсынамыз. Түсіністік танытқандарыңыз үшін алғыс білдіреміз! – деп жазды қала әкімдігі.
