Ауа райының күрт бұзылуына байланысты Шығыс Қазақстан облысы аумағында бірнеше бағытта автокөлік жолы жабылды, деп хабарлайды F16.kz.
«КАЖсервис» ЖШС облыстық филиалының мәлімдеуінше, 12 желтоқсанда сағат 11.00-ден бастап ауа райының нашарлауына байланысты келесі бағыттарда жол жабылды:
Өскемен-Алтай-Үлкен Нарын-Катонқарағай-Рахман қайнары автожолының 7-166 км аралығы;
Өскемен-Риддер-РФ шекарасы автожолының 15-105 км аралығы (Белоусовка кентінен Риддер қаласына дейін);
Алматы-Талдықорған-Өскемен-Шемонаиха-РФ шекарасы автожолының 1104-1191 км аралығы (Глубокое кентіне бұрылыстан Шемонаиха қаласына дейін).
Аталған бағыттардағы жолдарда көліктің барлық түріне жүруге шектеу қойылды. Жолды 13 қаңтар сағат 08.00-де ашу жоспарланған.
