Шығыс Қазақстан облысында мерзімді әскери борышын өтеп жүрген сарбаз өзін-өзі атып алды. Қайғылы жағдай 23 қаңтарда болған, деп хабарлайды F16.kz.
Мерзімді әскери қызметтегі сарбаз өзіне бекітілген қарудан өзін-өзі атқан. Ол алған жарақаттан қайтыс болды, – деді Қазақстан Құрлық әскерлері бас қолбасшысының тәрбие және идеологиялық жұмыс жөніндегі орынбасары Арынғали Ақышев.
Әскери қызметші былтыр сәуір айында мерзімді әскери қызметке шақырылған.
Болған оқиғаға байланысты қылмыстық іс қозғалды. Тергеу мүддесіне сай басқа ақпарат жария етілмейді.
