Бүгін Өскеменде ауа сапасының күрт нашарлауына байланысты бірінші және екінші ауысымда білім алатын мектеп оқушылары қашықтан оқыту форматына ауыстырылды, деп хабарлайды F16.kz.
«Қазгидромет» мамандары кейінгі бірнеше күн бойы қалада қолайсыз метеожағдайдың екінші деңгейі қалыптасқанын мәлімдеген. Онлайн білім беру форматына көшіру туралы шешім оқушылардың денсаулығын қорғау мақсатында қабылданғанын атап өткен абзал.
Шығыстың бас қаласында қолайсыз метеожағдай жиі болып тұрады. Соның салдарынан әуе рейстерінің кешігуі, мектептердің қашықтан оқыту форматына ауыстырылуы, тыныс алуы қиындаған тұрғындардың ауруханаға түсуі сияқты келеңсіздіктер көбейді.
Бұған дейін Өскеменнің экологиялық проблемасын Tereze жобасының журналистері көтерген болатын.
