Өңір тұрғындары қоғамдық көлік кестеден кешікше немесе көшеде құдықтың беті ашық жатса, лифт істемей қалса, жарық, су, жылу болмаса 109 бірыңғай нөміріне қоңырау шалып, көмек сұрай алады. Шығыс Қазақстан облысы цифрландыру және архивтер басқармасының Ақпараттық технологиялар орталығы базасында 109 бірыңғай байланыс орталығы жұмыс істеп тұр, деп хабарлайды F16.kz.
Тұрғындар 109 нөміріне қоңырау шалу барлық телефонда тегін, сондай-ақ WhatsApp: 8 771 810 9109, Instagram: 109.vko арқылы да хабарлама жолдай алады.
109 орталығы арқылы автобустың кешігуі, ашық қалған құдықтар, инженерлік желілердің жарылуы, электр қуаты мен судың болмауы, лифтің істен шығуы, бұралқы иттердің мәселесі бойынша хабарлауға болады. Бұл – көрсетілетін қызметтің толық тізімі емес.
Сонымен қатар тұрғындар мемлекеттік органдардың, білім беру және денсаулық сақтау ұйымдарының байланыс нөмірлерін осы орталықтан біле алады, сабақтардың тоқтатылуы, облыс жолдарының ашылуы немесе жабылуы, МЖН деңгейі, электр және су беру жұмыстарының себептері мен мерзімі туралы анықтамалық ақпарат ала алады.
Орталық апаттық жағдайлар туралы қоңырауларды қабылдап, оларды тиісті коммуналдық қызметтерге жедел жолдайды.
Анықтама:
Күн сайын 109 орталығына шамамен 100-ге жуық қоңырау түседі. 2025 жылы байланыс орталығы шамамен 32 мың қоңырау қабылдаған.
