Шығыс Қазақстан облысының Жоғары спорт шеберлігі мектебі мен Олимпиадалық даярлау орталығының шәкірттері халықаралық аренада атой салды, деп хабарлайды F16.kz.
Семсерлесуден Қазақстан ұлттық құрамасының көшбасшылары Руслан Курбанов пен Кирилл Проходов әлемдік спорт элитасындағы орнын нықтай түсті. Соңғы халықаралық жарыстардың қорытындысы мен жаңартылған әлемдік рейтинг нәтижелері бойынша өңір спортшылары жаһанның ең үздік 8 семсершісінің қатарына енді. Бұл жетістік Шығыс Қазақстан облысының денешынықтыру және спорт басқармасының жүйелі жұмысы мен бапкерлер құрамының жоғары кәсібилігінің нәтижесі. Облыстан бірден екі спортшының әлемнің үздік сегіздігіне енуі аймақта семсерлесу спорты дұрыс бағытта дамып келе жатқанын көрсетеді.
Шығысқазақстандық спортшылар Еуропа мен Азияның шеберлерімен тең дәрежеде бәсекеге түсіп, ірі халықаралық бәсекелерде өңірдің абыройын асқақтатып жүр.
