Марқакөл ауданы, Қалжыр ауылының тумасы Бекзат Сепенов Германияда өткен жасөспірім балалар арасындағы бокстан Әлем чемпионатында 38 кг салмақ дәрежесінде ел намысын абыроймен қорғап, чемпион атанды, деп хабарлайды F16.kz.
Бұл — жас спортшының табандылығы мен тынымсыз еңбегінің нәтижесі. Бекзаттың жеңісі туған ауылы мен ауданын ғана емес, тұтас Қазақстанды қуантқан зор жетістік.
Жас чемпионның жаттықтырушысы — Марқакөл ауданы, Ақбұлақ ауылының тумасы Елдарбеков Естай, кикбокстан Әлем чемпионатының жүлдегері. Тәжірибелі спортшының тәлімі мен кәсіби дайындығы Бекзаттың халықаралық аренада жеңіске жетуіне үлес қосты.
Ұстаз бен шәкірттің бұл табысты жолы — жас ұрпаққа үлгі, спортқа деген сүйіспеншілік пен қайсар мінездің айқын көрінісі.
