Өскемен қаласы мәслихатының кезектен тыс сессиясында жергілікті атқарушы органдардың құрылымын өзгерту мәселесі қаралды, деп хабарлайды F16.kz.
Аулалар мен кварталішілік аумақтарды абаттандыру жұмысын ұйымдастыру қызметі тұрғын үй-коммуналдық шаруашылығы, жолаушылар көлігі және автомобиль жолдары бөлімінен тұрғын үй қатынастары бөліміне берілді.
Сонымен қатар туристік қызмет саласындағы мемлекеттік саясатты іске асыру өкілеттігі денешынықтыру, спорт және туризм бөлімінен кәсіпкерлік және ауыл шаруашылығы бөліміне берілді. Мәдениет және тілдерді дамыту бөліміне денешынықтыру, спорт және туризм бөлімі қосылды, – деді қалалық мәслихаттың хатшысы Александр Светаш.
