Италияның Милан және Кортина-д’Ампеццо қалаларында өтіп жатқан XXV қысқы Олимпиада ойындарында мәнерлеп сырғанаудан ел намысын қорғаған Михаил Шайдоров чемпион атанып, қоржынға дүбірлі бәсекенің алғашқы алтын жүлдесін салды, деп хабарлайды F16.kz.
Қазақстандық спортшы еркін бағдарламада мұз айдынына шығып, жоғары деңгейде өнер көрсетті. Бұл жолы ол Confessa және The Diva Dance музыкалық шығармаларын таңдап, бағдарламасын күрделі техникалық элементтермен байытты. Атап айтқанда, үштік аксельді бір эйлер және төрттік сальхаумен ұштастырып, секіру комбинацияларын мүлтіксіз орындады.
Техникалық элементтерді сәтті орындағаны үшін оған 114.68 ұпай берілсе, бағдарлама компоненттері 83.96 ұпайға бағаланды. Нәтижесінде, қысқа бағдарламадағы 92.94 ұпайын еркін бағдарламадағы 198.64 ұпаймен қосқанда, жалпы көрсеткіші 291.58 ұпайға жетіп, қарсыластарынан оқ бойы озып шықты. Сөйтіп Михаил Шайдоров Олимпиада чемпионы атанды.
Күміс пен қола жүлделер жапониялық спортшыларYuma Kagiyama мен Shun Sato еншісінде кетті.
Айта кетейік, бұл Қазақстанның қысқы Олимпиада ойындарында мәнерлеп сырғанаудан еншілеген алғашқы және жапы ақ Олимпиададағы екінші алтын жүлде. Бұған дейін 1994 жылы Лиллехаммерде (Норвегия) өткен төртжылдық бәсекесінде даңқты Владимир Смирнов шаңғымен жүгіруден 50 км классикалық жарыста топ жарып, тәуелсіз Қазақстанның қысқы Олимпиада тарихындағы тұңғыш алтын медалін жеңіп алған.
