Ертең облыстың оңтүстігінде аздаған қар жауып, бұрқасын жел соғуы мүмкін, деп хабарлайды F16.kz.
Синоптиктердің болжамына сүйенсек, облыстың батысында, оңтүстігінде екпіні 15-20 м/с жел соғып, көктайғақ болады.
Облыс орталығында да тұман түседі. Ауа температурасы күндіз -6…-8 градус аралығында, түнде -21…-23 градусқа дейін төмендейді, — делінген хабарламада.
Демалыс күндері кей аймақтарда қалың қар түсіп, боран соғады.
23 ақпаннан шығыс және орталық өңірлерде ауа температурасының күрт төмендеуі болжанады. Кей жерлерде 25–37 градусқа дейін аяз күтіледі.
ШҚО ТЖД қолайсыз ауа райында алыс жолға шықпай, жүргізушілер жол ережесін қатаң сақтау керектігін еске салады.
