Ертіс көпірі жаз бойы жабық болады. Жүргізушілер жиі шағымданатын көпірге 1 маусымнан бастап күрделі жөндеу жұмыстары жүргізіледі. Бұл туралы шаһар басшысы Алмат Ақышов айтты, деп хабарлайды F16.kz.
Қаладағы басты көпірге жөндеу жұмыстары жыл сайын жүргізілгенімен, нәтиже жоқ. Аз ғана уақытта жолдағы ойық-шұңқырлар қайта пайда болады.
Қала әкімі Алмат Ақышовтың айтуынша, көпірдің төменгі жабыны дұрыс салынбаған. Сондықтан күрделі жөндеу жұмыстарын жүргізу керек.
Көпір ішінара жабылады. Уақытша қолайсыздықтар туындауы мүмкін, жөндеу аяқталғанша шыдауға тура келеді, — деді ол.
Көпірді жөндеу жұмыстары тамыз айының соңына дейін жалғасады.
