Ертең Өскемен іргесіндегі Шешек асуында отбасы фестивалі өтеді. Шаһар тұрғындары мен қонақтары қызықты ойын-сауық бағдарламаларын тамашалап, көңіл көтере алады, деп хабарлайды F16.kz.
Балалар мен жасөспірімдерге арналған аймақта түрлі аниматорлармен қызықты ойын ұйымдастырады. Одан бөлек ойын-сауық бағдарламалары мен байқаулар, шеберлік сабақтары жоспарланған, — дейді қала әкімдігі.
Ал ересектерге командалық ойынға қатысып, сыйлықтар ұтып алуға мүмкіндік бар. Одан бөлек қонақтарға дастархан жайылып, тәтті-дәмді, ыстық шай мен кофе, кәуап және басқа да тағамдар ұсынылады.
Отбасы Fest 7 наурыз күні сағат 10.00 басталып кешкі 16.00-ге дейін жалғасады.
