Наурызнама онкүндігі аясында 18 наурызда елімізде Ұлттық киім күні атап өтіледі. Бұл күн – халқымыздың мәдени құндылықтарын жаңғыртып, ұлттық киімді күнделікті өмірге енгізуді насихаттауға бағытталған маңызды мереке, деп хабарлайды F16.kz.
Қазақтың ұлттық киімі халқымыздың тарихымен, мәдениетімен, тұрмыс-тіршілігімен тығыз байланысты, олар біздің өткенімізді, ұлттық ерекшеліктерімізді, салт-дәстүрімізді айқын көрсетеді.
Бұл күні жұртшылық ұлттық киімдерін киіп, халықымыздың мәдениетін, өнерін және тарихын ұлықтайды.
Айтулы күнге орай республикалық мәдениет ұйымдары мен әр өңірде бірқатар іс-шаралар ұйымдастырды. Әртүрлі жастар мен шығармашылық ұжымдардың қатысуымен қалаларда ұлттық киім шеруі, челлендждер, тақырыптық акциялар мен флешмобтар өтеді.
Осылайша, бұл айшықты күн халықтың мәдени кодының ажырамас бөлігіне айналып, ұлттық киімді қазіргі қоғамдық өмірде кеңінен насихаттауға, дәстүр мен заманауи талғамды ұштастыруға ықпал етеді.
