Өскеменде үшінші күн қатарынан оқтын-оқтын жарық өшіп, тұрғындар әлеуметтік желілерде наразылық білдіре бастады. Жауапты орындар жедел-көшпелі бригада оқиға орнында жұмыс істеп жатқаны мәлім етті, деп хабарлайды F16.kz.
Біріккен энергосервистік компанияның мәліметіне сүйенсек, 11 сәуір күні кабель желісінің зақымдануынан 2300 абонент жарықсыз қалды.
12 сәуір күні 19-шағын ауданда, Нұрлыжол шағын ауданында, Молдағұлова көшесінде электр энергиясы тағы апатты түрде өшіріліп, 4800 абонент жарықтан ажыратылған.
Тиісті жұмыстың ауқымын анықтап, электрмен жабдықтауды қалпына келтіру үшін жедел-көшпелі бригада оқиға орнына жіберілген.
