Шығыстың бас шаһарында жаңадан №9 қоғамдық көлік бағыты іске қосылды. Бұл бағытта жолаушыларға жуықта ғана әкелген сужаңа электробустар қызмет көрсетеді, деп хабарлайды F16.kz.
«Марат-М» ЖШС-ның мәліметінше, электробустар Әуежай мен Жібек маталар комбинаты аудандары арасында қатынайды. Бұған, әсіресе Прохладная ауданының тұрғындары ерекше қуанып отыр. Себебі әуежай жақтан қала орталығына бұған дейін №12, №2, №39 және №7 бағыттағы автобустар жүретін. Алайда №2, №39 және №7 автобустарының жүруі сирек болғандықтан, тұрғындардың дені №12 бағытта көбірек қатынайтын. Соның салдарынан қарбалас уақытта қоғамдық көліктер шамадан тыс толып кететін. Ал жаңа №9 бағыт бұл мәселені шешуге мүмкіндік бермек.
