Былтырғы су тасқыны кезінде Ассамблеяның «Жүректен жүрекке» жобасы қалың жұртшылық тарапынан кең қолдау тауып, елдегі ынтымақ пен бірліктің жарқын үлгісі көрсетті, деп хабарлайды F16.kz Ақордаға сілтеме жасап.
Президент Қасым—Жомарт Тоқаев Ассамблея мүшелері күн сайын көзге көрінбейтін, бірден нәтиже бермейтін, бірақ ұзақ мерзімді, стратегиялық тұрғыдан тиімді, ауқымды жұмыс жүргізіп отырғанын атап өтті. Оның айтуынша, былтыр ұйым 15 мыңнан астам іс-шара өткізіп, оған 1 миллионға жуық адам қатысқан.
Былтыр көктемгі су тасқыны кезінде азаматтарымыз зардап шеккен жандарға көмек қолын созып, ырысты ынтымақ пен бірліктің тамаша үлгісін көрсетті. Ассамблеяның «Жүректен жүрекке» жобасы аясында 12 мыңнан астам ерікті ортақ іске жұмыла кірісті. Олар гуманитарлық көмек пен жылу жинады. Қираған үйлерді қалпына келтіруге атсалысты, – деді Президент.
Естеріңізге сала кетейік, бүгін елордада ҚХА—ның кезекті ХХХІV сессиясы өтті.Оған Мемлекет басшысы Қасым—Жомарт Тоқаев қатысып, сөз сөйледі.
Фото: Ақорда
