Шалғай ауылдарда өрт сөндіру бекеттері құрылады. Бұл туралы ШҚО ТЖД басшысы Рашид Блялов айтты, деп хабарлайды F16.kz тілшісі.
Қазір облыс бойынша 141 елді мекенде 48 өрт сөндіру бекеті жұмыс істеп тұр. Алайда оның 15-і ғана жыл бойы тұрақты жұмыс істейді.
Маусымдық негізде жұмыс істейтін 33 өрт сөндіру бекеті бар. Ал қалған 11 бөлімше қаржыландыру мен техникалық жабдықтардың жеткіліксіздігінен жұмыс істей алмай отыр. Сондай-ақ кейбір бекеттерде жылы бокстар, керекті жабдықтар мен байланыс құралдарының жоқтығы үлкен мәселеге айналып отыр, — дейді басқарма басшысы.
Сондай-ақ Рашид Блялов өз сөзінде тұрғындардың қауіпсіздігін қамтамасыз ету үшін шалғай ауылдарда өрт сөндіру бекеттерін салу қажеттігі туындап отырғанын атап өтті.
Бұл мәселе от тез таралатын ашық дала алқаптарында аса өзекті. Сондықтан өрт қауіпсіздігі режимін сақтау шараларына баса назар аудару қажет. Бекеттерді орналастыруға арналған орындарды анықталып, толық жарақтандырылсын, — дейді облыс әкімі Нұрымбет Сақтағанов.
Фото: F16.kz
