\»Өскеменде маньяк жүр\» деген туралы ақпарат шындыққа сәйкес келмейді. Бұл жөнінде Шығыс Қазақстан облыстық полиция департаментінің баспасөз қызметі мәлім етті, деп хабарлайды F16.kz.
\»Мессенджерлер мен әлеуметтік желілерде тараған, Өскемен қаласында \»маньяктың бар екені туралы ақпарат шындыққа сәйкес келмейді. Облыс аумағында мұндай фактілер тіркелген жоқ. Полиция департаменті азаматтарды тек ресми ақпарат көздеріне сенуге және жалған ақпаратты таратпауға шақырады, – деп хабарлады ШҚО ПД баспасөз қызметі.
Естеріңізге сала кетсек, таяуда әлеуметтік желілер мен мессенджерлерде ағашта асылып тұрған адамды полиция қызметкерлері қарап жатқан бейнежазба тараған. Бейнежазбадағы адамның айтуынша, Өскеменде маньяк пайда болды-мыс. Бірақ құқық қорғау органдары бұл ақпаратты жоққа шығарды.
Фото: gov.kz
