Шығыс Қазақстан облысының прокуратурасы Ұлы Жеңістің 80 жылдығына арналған Бас прокурордың «80 жылдыққа – 80 ағаш» атты экологиялық акциясын жалғастырды, деп хабарлайды F16.kz тілшісі.
28 сәуір күні Шығыс Қазақстан облыстық драма театрының аумағында облыстық және қалалық прокуратура қызметкерлері 80 көшет отырғызды.
«Таза Қазақстан» ұлттық жобасы аясында ұйымдастырылған акция Шығыс Қазақстан облысының прокуроры Алмат Байшолақовтың басшылығымен өткен.
Осы бастама үшін Қазақстан Республикасының Бас прокурорына алғыс білдіргіміз келеді. Біз табиғатты қорғауға үлес қоса отырып, батыр бабаларымыздың рухына тағзым еттік. Тек қана аумақты көгалдандырып қоймай, болашақ ұрпақтың ертеңгі өмірі үшін үлес қостық деген ойдамыз. ортаға ұқыпты қарау – еліміз бен болашақ ұрпақ алдындағы ортақ парызымыз,-деді облыс прокуроры.
Сондай-ақ ол өз сөзінде мұндай акциялар экологиялық мәдениетті қалыптастыруға, патриоттық тәрбие беруге және қоғамдық жауапкершілікті нығайтуға ықпал ететінін атап өтті.
