Қазақстан Ұлттық банкі Ұлы Жеңістің 80 жылдығына орай номиналы 1 000 теңгелік мерейтойлық банкнотты айналымға шығарады. Жаңа банкноттың таралымы 5 миллион дана, деп хабарлайды F16.kz.
Мерейтойлық теңгенің бір бетінде Даңқ мемориалы бейнеленген. Ескерткіш Алматыдағы 28 гвардияшы-панфиловшылар саябағында орналасқан.
![\"\"](\"https://f16.kz/uploads/posts/2025-05/800x430.webp\")
Банкнотта микро-оптикалық қорғаныс жолағы бар. Сондай-ақ жолақта тереңдіктің, көлемнің және жылтырдың үш өлшемді әсері, мәңгілік алау мен тырналар бейнеленген.
Екіннші бетінде тарихи мұрағаттық фотосуреттердің үзінділерімен Қазақстан картасы бейнеленген. Суреттерді www.kfdz.kz Қазақстан Республикасы Мәдениет және ақпарат министрлігі Архив, құжаттама және кітап комитетінің «Орталық мемлекеттік кино-фото құжаттар және дыбыс жазбалары архиві» РММ ұсынды.
Ерлік, табандылық пен батырлықтың символы ретінде Отан соғысы ордені бейнеленген.
Фото: ҚР Ұлттық банкі
