Ресейде коронавирус инфекциясының NB.1.8.1 деп аталатын жаңа түрін жұқтырудың төрт жағдайы тіркелді. Қазір жағдай Роспотребнадзордың бақылауында, деп хабарлайды F16.kz тілшісі Zakon.kz-ке сілтеме жасап.
ТАСС агенттігінің ақпаратынша, бұл туралы журналистерге санитарлық бақылау мекемесінің басшысы А.Попова мәлімдеді. Ол түрлі елдердің БАҚ-тарында COVID-19-дың жаңа генетикалық нұсқасы – NB.1.8.1 пайда болғаны туралы мәлімет таралып жатқанын атап өтті.
Бұл геновариант алғаш рет биылғы қаңтарда Қытайда анықталып, сипатталды. Кейін ол Азия елдерінде, Үндістанда және АҚШ-та тіркелді… Бүгінгі таңда Ресей Федерациясында да анықталды, осы жаңа түрін жұқтырудың төрт жағдайы тіркелді. Бұл белгілі бір алаңдаушылық тудырады, – деді ол.
Фото: pixabay.com
