Бүгін Үлкен Нарын ауылында Шығыс Қазақстан облысы әкімдігінің көшпелі мәжілісі басталды, деп хабарлайды F16.kz.
Өңір басшысы Нұрымбет Сақтағановтың төрағалымен өтіп жатқан мәжіліске аудан—қалалардың әкімдері, басқармалардың басшылары және басқа да мемлекеттік органдардың өкілдері қатысып отыр.
Жиын барысында Үлкен Нарын ауданының былтырғы және 2025 жылдың І тоқсанындағы әлеуметтік-экономикалық дамуы, биылға межелеген мақсат—міндеттер қаралып жатыр.
Сондай—ақ 2024-2025 жылдардағы жылыту маусымын қорытындылау және алдағы қысқа дайындық, жаңа оқу жылына әзірлік, оқушыларды қорытынды аттестациялауға даярлау, жолаушылар тасымалын субсидиялау мәселелері күн тәртібіне қойылған.
Облыс әкімі жұмыссапары аясында №26 өрт сөндіру бөлімшесінде, орталық жылыту қазандығында және «Приморск» жазғы лагерінде болады, аудандық балалар—жасөспірімдер спорт мектебінде өтетін шағын футболдан жолдастық матчқа, «Тәуелсіздік» саябағында 50 түп көшет егу шарасына қатысады деп жоспарланған.
Фото: ШҚО әкімінің баспасөз қызметі
