Былтыр елімізде еңбек жағдайындағы оқыс оқиғалардан 202 адам қайтыс болған. Бұл туралы Үкімет отырысында ҚР Еңбек және халықты әлеуметтік қорғау министрі Светлана Жақыпова айтты, деп хабарлайды F16.kz тілшісі Kazinform агенттігіне сілтеме жасап.
2024 жылы жазатайым оқиғалардан 1 408 адам зардап шекті, олардың ішінде 202 адам қаза тапты. 445 мыңнан астам жұмыс орны әлі де зиянды және (немесе) қауіпті ретінде жіктеледі, — деді ол.
Сондай-ақ ведомство басшысы өндірістік жарақаттардан жапа шеккен адамдар жайлы да мәлімет келтірді.
15 976 азаматтың кәсіптік еңбекке қабілеттілігінің жоғалғаны анықталды, оның ішінде 8 204 адам кәсіби аурулардан және 7 771 адам өндірістік жарақаттардан зардап шеккен, — деді Светлана Жақыпова.
