Өскеменде жол жөндеу және трамвай рельстерін ауыстыру жұмыстарына байланысты бірнеше көше уақытша жабылды, деп хабарлайды F16.kz.
Крылов көпірінде (Протазанов көшесінен Астана көшесіне бағытта) орташа жөндеу жұмыстары басталды. Көпірдің бір бөлігі 10 жұмыс күніне жабылып, жұмыстар аяқталған соң ашылады. Содан кейін келесі бөлігінде жөндеу жұмыстары жалғасады.
Қазақстан көшесінен Кабанбай батыр көшесіне дейінгі аралықта трамвай рельстерін ауыстыру жұмыстарына байланысты байланысты Нұрмағамбетов көшесінде көліктер үшін уақытша қарама-қарсы бағытта бір жолақ қана ашық. Кабанбай батыр мен Қазақстан көшелерінің қиылысы да уақытша жабылды, — делінген қала әкімдігінің хабарламасында.
Сондай-ақ Есенберлин даңғылы мен Алматы тасжолы арасындағы №1 учаскедегі жол бөлігі жөндеу жұмыстарына байланысты 26 күнге жабылды.
Ал, Нұрмагамбетов көшесіндегі қозғалыс жақын күндері қалыпты режимге оралады.
