Бұқтырма су қоймасы арқылы алпыс жылдай көлік тасымалдап келген “Ертіс” пен “Күршім” паромдары енді мейрамханаға айналмақ. Бұл туралы Самар ауданының әкімі Серік Жеңісов айтты, деп хабарлайды F16.kz.
Көпір салынғаннан кейін паромдар қызметін тоқтатты. Олар қазір Күршім ауданының аумағындағы жағалауда тұр. Болашақта бұл паромдарды су үстіндегі мейрамхана ретінде пайдалансақ деген жоспарымыз бар. Жағалауда тұра ма, жоқ суда жүзіп жүре ме, ол жағын әлі ойластырамыз. Қалай болғанда да біз паромдарды ары қарай ел игілігіне қызмет еткізуді көздеп отырмыз. Мұндай тәжірибе өзге елдерде көп кездеседі. Меніңше судағы мейрамханаға келіп ерекше той өткізгісі келетіндер аз болмайды, – деді Серік Жеңісов.
