Өскеменнің сол жағалау саябағында орналасқан «Көгілдір көлдер» жағажайы уақытша жабылды. Себеп – адамдар шомылып жүрген судың құрамынан қауіпті бактериялар анықталған, деп хабарлайды F16.kz.
Сол жағалау саябағы әкімшілігінің мәліметінше, жағажай 15 маусымда ашылған, бірақ СЭС мамандарының судан алған сынама нәтижесінде оны жабу туралы шешім қабылданды. Судың құрамынан ішек таяқшасына ұқсас қауіпті бактерия табылған көрінеді.
Мамандар қала тұрғындары мен қонақтарына «Көгілдір көлдерде» суға түспеуге, тіпті беті-қолды жумауға кеңес береді. Әзірге жағажайдың қашан ашылатынын белгісіз. Суды тазарту жұмыстары жүргізіліп жатқан жоқ.
