Елімізде балмұздақ экспорты 41,6%-ға өсіп, 4,3 мың тоннаға жетті, деп хабарлайды F16.kz.
Ұлттық статистика бюросы ұсынған мәліметке сүйенсек, биыл 6 ай ішінде Қазақстанда 23,8 мың тонна балмұздақ пен тағамдық мұз өндірілген. Бұл көрсеткіш өткен жылдың осы кезеңімен салыстырғанда 17,1%-ға артық,
Ал, алғашқы 4 айда елге 3 мың тонна балмұздақ импортталды. Сырттан жеткізілетін өнім нарықтың 15,4%-ын құраған. Балмұздақ ең көп Ресей (1,5 мың тонна), Қырғызстан (1 мың тонна) және Түркиядан (0,3 мың тонна) әкелінді.
Сонымен қатар Өзбекстан, Швейцария, Беларусь және Италия елдерінен де жеткізу тіркелген.
Аталған кезеңде балмұздақ экспорты 41,6%-ға өсіп, 4,3 мың тоннаға жетті. Қазақстандық балмұздақ негізінен ТМД елдеріне және Қытайға жөнелтілген.
