Жамбыл облысының бұрынғы әкімі, «Қазселденқорғау» мекемесінің экс-басшысы Кәрім Көкірекбаев 12 жылға сотталды, деп хабарлайды F16.kz.
Алматы облыстық мамандандырылған ауданаралық қылмыстық істер жөніндегі сотында «Қазселденқорғау» мекемесінің бұрынғы басшысы, Жамбыл облысының экс-әкімі Кәрім Көкірекбаевқа және оның орынбасары Әділет Ахатаев, мердігер Андрей Поплавскийге қатысты қылмыстық іс бойынша үкім шықты. Сот материалдарына сәйкес, Көкірекбаев пен Ахатаев 800 мың АҚШ доллары көлемінде пара алған, ал «Bazis Construction Infr» ЖШС-нің бас директоры Поплавский сол параны берген тұлға ретінде жауапқа тартылды. Айыпталушылардың үшеуі де кінәлі деп танылды
Алқабилердің қатысуымен қаралған істе барлық айыпталушының кінәсі дәлелденді. Соттың шешімімен Кәрім Көкірекбаев 12 жылға бас бостандығынан айырылды. Әділет Ахатаев пен Андрей Поплавский әрқайсы 11 жылдан жаза арқалады. Үкім әлі заңды күшіне енген жоқ.
