Ресейдің Ханты-Мансийск қаласында Халықаралық ғылыми физика олимпиадасы (ISPhO-2025) өз мәресіне жетті. Ел намысын қорғаған қазақстандық оқушылар жалпыкомандалық есепте үхдіктер қатарынан көрінді, деп хабарлайды F16.kz.
Айта кетейік, олимпиадаға әлемнің 21 елінен қатысушылар жиналған. Білім бәйгесінде жеңіске жеткен 5 қазақстандық он марапатпен оралды. Екі кезеңнен тұрған олимпиадада оқушылар теориялық және эксперименттік білімдерін сарапқа салып, әр бағыт бойынша жеке есепте бағаланды.
Күміс медаль иегерлері:
Роман Черемнов – Алматы қаласы «Мирас» мектебінің 11-сынып оқушысы;
Таир Әбдіқадыр –Қостанай облыстық «Білім-инновация» лицейінің 10-сынып оқушысы;
Альтаир Аканов – Астана қаласындағы РФММ-нің 11-сынып оқушысы;
Илияс Қазымбек – Алматы қаласындағы РФММ-нің 10-сынып оқушысы.
Сондай-ақ қола медаль иегері — Астана қаласы «NURORDA» мектеп-лицейінің 11 сынып оқушысы Даниэль Тюлюбаев.
Теориялық айналым нәтижелері бойынша
1-дәрежелі диплом — Роман Черемнов, Илияс Қазымбек;
2-дәрежелі диплом — Даниэль Тюлюбаев, Таир Әбдіқадыр, Альтаир Аканов.
Жетекшілері: Самат Максутов — PhD докторы, CDU доценті, Назарали Айтжанов — CDU магистрі.
