Биылғы 1 қаңтардан бастап жалпыға бірдей декларациялаудың төртінші кезеңі басталды. Оған азаматтардың қай санаты кіреді және есеп тапсырудан кімдер болатылады? Бұл сұрақтарға Шығыс Қазақстан облысы бойынша мемлекеттік кірістер департаменті жауап берді, деп хабарлайды F16.kz.
2021 жылдың 1 қаңтарынан елімізде кезең-кезеңімен жалпыға бірдей декларациялау енгізілді. Бүгінге дейін үш кезең аяқталды. Енді төртінші кезеңге қадам бастық. Биылғы қаңтардан бастап азаматтардың қалған санаттары есеп тапсырады. Алайда бұл санаттағы адамдардың егер шетелде мүлкі немесе шоттары болмаса декларациядан босатылатынын айта кету керек. Олар кімдер: зейнеткерлер, жекеменшік компанияларда жұмыс істейтіндер, студенттер, үй шаруасындағы әйелдер және басқа санаттағы азаматтар.
250.00 ФОРМАНЫ КІМДЕР ТАПСЫРУҒА МІНДЕТТІ?
Сайланбалы немесе мемлекеттік лауазымдарға кандидаттар және олардың жұбайлары, банкте, сақтандыру ұйымында және бағалы қағаздар нарығында ірі қатысушы болуға үміткерлер және олардың жұбайлары, жеке практикамен айналысатын тұлғалар (нотариус, адвокат және т.б.)
Сандық активтердің иелері, шетелдегі мүлік иелері, оның ішінде: жылжымайтын мүлік, автокөлік, банк шоттары, шетелдік компаниядағы үлес, бағалы қағаздар, сандық активтер, брокерлік шоттар, зияткерлік меншік, қарыз (растайтын құжаттар болса).
Сонымен қатар, құны 1000 АЕК-тен асатын (2024 жылы – 3 692 000 теңге) өзге де мүлік декларацияда көрсетілуге тиіс.
ТАҒЫ НЕ ӨЗГЕРДІ?
Резидент емес шетелдік азаматтар мен азаматтығы жоқ адамдар активтер мен міндеттемелер туралы декларация тапсырмайды;
Декларацияланатын активтер тізбесі кеңейтілді;
Қарыз міндеттемелерін растаудың жаңа нысандары енгізілді;
Мүлік құны мен бағалау мерзімдері бойынша талаптар жаңартылды.
270.00 ФОРМАНЫ КІМДЕР ТАПСЫРАДЫ?
Мемлекеттік қызметшілер мен оларға теңестірілген тұлғалар және олардың жұбайлары;
Заңды тұлғаларда және АҚ-да 10%-дан астам үлесі бар басшылар мен меншік иелері;
Өзін-өзі салықтандыруға жататын табыс алатын тұлғалар;
Сандық активтердің иелері 20 000 АЕК-тен (2025 жылы – 78,6 млн теңге) асатын мүлік сатып алғандар және басқа тұлғалар.
