Кеше Өскемендегі Тоғас көшесінде 11 жастағы баланы көлік қағып кетті. Қазіргі уақытта жағдайы ауыр, деп хабарлайды F16.kz.
Бала бірден Ана мен бала орталығына жеткізілген.
Науқас анестезиология, реанимация және қарқынды терапия бөлімінде жатыр. Орталықтың нейрохиругтары балаға ота жасады. Ауруханаға жеткізілген кезде бала политравма, бас сүйегінің ашық жарақаты, мидың қозғалуы диагноздарымен жеткізілген. Жағдайы ауыр, — деді облыстық денсаулық сақтау басқармасының баспасөз қызметі.
Естеріңізге сала кетейік, кеше кешкі уақытта әлеуметтік желіде баланы көлік қағып кеткені туралы видео тарады. Қала тұрғындары Тоғас көшесі үнемі тас қараңғы, жарық шамдары орнатылса да, жарық қосылмайтынын айтып шағымданып жатыр.
Қала әкімдігі әзірге бұл жағдайға байланыс пікір білдірген жоқ.
