Өскемен қалалық сотында бейтаныс адамнан алдау арқылы 1 миллион теңгеден астам мөлшерде ақша алып, қайтармай қойған шаһар тұрғынының ісі қаралды, деп хабарлайды F16.kz.
Белгілі болғандай, 2024 жылдың 7 тамызында алдау және сенімді теріс пайдалану жолымен әрекет еткен белгісіз тұлғалардың іс-қимылдарының нәтижесінде, талапкер жауапкердің банктік шотына 1 142 520 теңге көлеміндегі қаражатты аударған. Алайда, тараптар арасында қандай да бір шарттық немесе өзге де құқықтық қатынастар болмаған, яғни ақшаны аудару үшін заңды негіз жоқ еді.
– Жауапкер аталған сомаға қол жеткізу үшін қандай да бір негіз болмағанын жоққа шығармады. Оның банктік шот ашпағаны жөніндегі уәждері дәлелденбеді: сот ұсынған фото және бейне материалдар оның бұл шотты мобильді қосымша арқылы өзі ашқанын растады. Банктің өкілі де мұндай операциялар клиенттің тікелей қатысуынсыз немесе жеке деректерге үшінші тұлғалардың ерікті түрде қол жеткізу мүмкіндігінсіз орындалмайтынын түсіндірді, – деп хабарлайды ШҚО сотының баспасөз қызметі.
Сот, сонымен қатар талапкердің белгісіз сатушыдан автомобиль шиналарын сатып алу ниетімен ақша аударғанын, сатушының оған жауапкердің реквизиттерін жібергенін анықтады.
– Алайда, талапкерге тауар да жеткізілмеген, ақша да қайтарылмаған, – деп жазады дерек көзі.
Сот жауапкерді негізсіз байыды де танып, оны 1 142 520 теңге көлеміндегі қаражатты қайтаруды міндеттеді. Сонымен қатар, сот егер қылмыстық тергеу барысында үшінші тұлғалар анықталса, жауапкердің сол тұлғаларға талап арызбен жүгіну құқығы бар екенін атап өтті. Сот шешімі заңды күшіне енді.
