Тоғас көшесіндегі жарықтандыру қалпына келтірілді. Бұл туралы Өскемен қаласы әкімінің баспасөз қызметі мәлімдеді, деп хабарлайды F16.kz тілшісі.
Естеріңізге сала кетейік, кеше Тоғас көшесінде 11 жастағы баланы көлік қағып кетті. Қазіргі уақытта бала ауруханада, жағдайы ауыр.
– Қазір жағдай толықтай қалпына келтірілді. Бұған дейін трансформаторлық қосалқы станцияда өрт шығып, салдарынан жарық беру жүйесі уақытша істен шыққан. Бүгінде сыртқы жарықтандыру жүйесі қалыпты режимде жұмыс істеп тұр, – деп мәлім етті қала әкімінің баспасөз қызметі.
Аталған жағдай қала әкімінің ерекше бақылауында.
