ШҚО-да ірі көлемдегі есірткі тәркіленді, деп хабарлайды F16.kz тілшісі Polisia.kz сайтына сілтеме жасап.
«Қарасора» жедел-профилактикалық іс-шарасы аясында тәртіп сақшылары облыстық прокуратураның үйлестіруімен есірткі жеткізу арнасын анықтады.
– Жүргізілген жедел іс-шаралар барысында өңірдің 34 жастағы тұрғыны ұсталды. Оның ірі көлемдегі есірткіні басқа қаладан жеткізгені белгілі болды. Күдіктінің үйін тінту кезінде сараптама нәтижесіне сәйкес жалпы салмағы 20 келіден асатын марихуана тәркіленді. Анықталғандай, «тауар» әрі қарай байланыссыз жолмен сатуға арналған, – деп хабарлайды дерек көзі.
Аталған факті бойынша сотқа дейінгі тергеу-тексеру амалдары басталды. Күдікті уақытша ұстау изоляторына қамалды. Жедел-тергеу шаралары жалғасуда.
