Шығыс Қазақстан облысының әкімі Нұрымбет Сақтағанов ұлы ақын, ойшыл, ағартушы Абай Құнанбайұлының туғанына 180 жыл толуына орай Абай өңірінде өткен мерекелік шараларға қатысты, деп хабарлайды F16.kz.
Абай Құнанбайұлы – тарих пен мәдениетіміздегі ұлы тұлға. Оның мәңгілік рухани мұрасы – келер ұрпаққа жол көрсететін шамшырақ. Ақынның өрелі ойлары бізді ізгі істерге, Отанды, елді, ақиқатты сүюге жетелейді. Баршаңызды осы айтулы мерекемен құттықтаймын! – деді өңір басшысы.
Бірнеше күннен бері ұлы ойшылдың кіндік қаны тамған қасиетті мекенде мерейтойлық іс-шаралар жалғасын тауып, бүгін негізгі той Қарауылда өтіп жатыр.
Айта кетейік, ұлы ақынның мерейтойына Шығыс Қазақстан өңірінен облыс әкімі бастаған арнайы делегация қатысуда.
