Бүгін облыс орталығында екінші дәрежелі қолайсыз метеорологиялық жағдай сақталуда. Қазгидрометтің мәліметінше, бүгін, 2 ақпанда үш зат шекті мөлшерден асып кеткен, деп хабарлайды F16.kz.
Қалада қолайсыз метеорологиялық жағдай жарияланғанына бір аптаға жуық уақыт болды. Бүгін күкіртсутек (4,013 есе), күкірт диоксиді (3,8 есе) және көміртек тотығы (1,803 есе) шекті мөлшерден асып кеткендігін көрсеткен.
Кеше, 1 ақпанда екі зат, яғни күкіртсутек (4,0 есе) және күкірт диоксиді (3,8 есе) асып кеткен болатын.
