Өскемен қаласының әкімі тапсырмасы бойынша, облыс орталығында жылыту маусымы жоспарланған уақыттан ертерек басталады, деп хабарлайды F16.kz.
Қаладағы әлеуметтік нысандар, яғни мектеп, балабақша мен медициналық мекемелер жылуға қосылған. Ал, көпқабатты үйлерге жылу 1 қазан күні, яғни ертең беріле бастайды.
Ауа райының салқындауына байланысты және тұрғындар үшін қолайлы жағдай жасау мақсатында жылыту маусымын ерте бастау туралы шешім қабылданды.
