Самар ауданында «Бір қабатты Шығыс» бағдарламасы аясында салынған 28 үйдің құрылысы аяқталуға жақын. Сондай-ақ тағы 22 пәтерлі үш қабатты тұрғын үйге қазір реконструкциялау жұмыстары жүргізіліп жатыр, деп хабарлайды F16.kz.
Аудан әкімінің айтуынша, жөнделіп жатқан үш қабатты үйден 8 пәтер облыстық бюджет қаражаты есебінен сатып алынып, мемлекеттік қызметкерлерге берілмек.
Самар ауданында қос пәтерлі 12 үйдің және Құлынжон ауылында 2 үйдің құрлысы жақында аяқталады. Ауданда маман тапшылығы әлі де бар. Десе де жас мамандар келіп жатыр. Биыл 20 мұғалім, төрт дәрігер келді. Әрқайсын жеке-жеке баспанамен қамтуға мүмкіндік болған жоқ. Сондықтан Бакраев көшесіндегі сегіз пәтерлі көпқабатты тұрғын үйге ағымдағы жөндеу жүргізу жоспарланып отыр. Сондай-ақ 22 пәтерлі үш қабатты тұрғын үйдің реконструкциясы жақында аяқталады, — деді Серік Жеңісов.
Сондай-ақ келер жылы ауданда «Бір қабатты Шығыс» бағдарламасы аясында тағы 20 екі пәтерлі үйдің құрлысы жоспарланған.
Одан бөлек Самар ауылындағы бұрын пайдаланылмаған 24 пәтерлі көп қабатты тұрғын үйді реконструкциялау жұмыстары жүргізілмек.
