Шығыс Қазақстан облысында Ұлттық қауіпсіздік комитетінің қызметкерлері прокуратураның үйлестіруімен есірткі зертханасының жұмысына тосқауыл қойды, деп хабарлайды F16.kz.
ҰҚК баспасөз қызметінің ақпаратына сүйенсек, қылмыс жасады деген күдікпен Қазақстанның екі азаматы ұсталып, сот санкциясымен қамауға алынды.
Тінту кезінде 240 литрден аса психотроптық зат пен 2 тонна прекурсор, сондай-ақ есірткі дайындауға арналған зертханалық жабдық анықталып, тәркіленді. Қылмыстық кодекстің 297-бабы бойынша сотқа дейінгі тергеп-тексеру жүргізіліп жатыр, – делінген хабарламада.
Қылмыстық-процестік кодекстің 201-бабының 1-бөлігіне сәйкес өзге ақпарат жариялауға жатпайды.
