Шығыс» өңірлік қолбасшылығына қарасты 6699 әскери бөлімінде Ұлттық домбыра күніне арналған «Домбыра үні» атты шығармашылық кеші өтті, деп хабарлайды F16.kz.
Кеш қонағы — Шығыс Қазақстан облыстық филармониясының айтыскері, Ақтан Нұрбаев атындағы облыстық ақындар мектебінің жетекшісі, республикалық және халықаралық ақындар айтысының жүлдегері Қуаныш Еркінұлы. Шара барысында әскери қызметшілер өнер көрсетті.
Қуаныш Еркінұлының әскери бөлімге келіп, сарбаздармен емен-жарқын сұхбат жүргізуі кешке ерекше сипат берді. Ол әскерилерді Ұлттық добыра мерекесімен құттықтап, өз жанынан шығарған бірнеше күйді шертті. Сондай-ақ кеш барысында домбыра құлағыңда ойнайтын жас сарбаздар да күй шертіп, ән шырқады. Кездесуге жиыны елуге жуық әскери қатысты, оның ішінде қатардағы сарбаздан бастап офицерлерге дейін болды. Айтыскер ақын, күйші жас сарбаздарға өзінің кеңесін айтып, олардың өнерге деген құлшынысын жоғары бағалады. Тағылымға толы кеш сарбаздар жадында ұмытылмас естелік болып қалары сөзсіз.
«Шығыс» өңірлік қолбасшылығының баспасөз қызметі
