2025 жылдың күзінің соңғы айы қазақстандықтар үшін ұзақ мерекелік демалыссыз өтеді, деп хабарлайды F16.kz тілшісі.
2025 ЖЫЛҒЫ ҚАРАШАДА ҚАНША КҮН ДЕМАЛАМЫЗ?
2025 жылдың қараша айында бес күндік жұмыс аптасына ауысқан қазақстандықтарды 10 демалыс күні және 20 жұмыс күні күтеді.
Ал алты күндік жұмыс режимінде еңбек ететіндер үшін жексенбілер ғана демалыс болады – барлығы 5 демалыс күні, 25 жұмыс күні.
Қараша айында ресми мерекелерге байланысты ешқандай күн ауыстырылмайды, сондықтан жұмыс кестесі әдеттегідей сақталады: ұзартылған демалыстар қарастырылмаған.
ҚАРАША АЙЫНДАҒЫ КӘСІБИ МЕРЕКЕЛЕР
Қарашада мемлекеттік мерекелер болмаса да, бұл ай түрлі салалық кәсіби күндерге бай. Қазақстанның әртүрлі саласында маңызды даталар аталып өтеді:
- 5 қараша – Сыртқы барлау қызметі күні;
- 8 қараша – Статистика күні;
- 10 қараша – Цифрландыру және ІТ қызметкерлерінің күні, сондай-ақ бухгалтерлік есеп және аудит күні;
- 15 қараша – Қаржы жүйесі қызметкерлерінің күні және Ұлттық валюта күні;
- 15 қараша (қарашаның үшінші сенбісі) – Бұрғылау мамандарының күні;
- 16 қараша (қарашаның үшінші жексенбісі) – Ауыл шаруашылығы, тамақ және қайта өңдеу өнеркәсібі қызметкерлерінің күні;
- 18 қараша – Сыбайлас жемқорлыққа қарсы қызмет органдарының күні.
Сонымен қатар, 11 қарашада Қазақстанда Энергияны үнемдеу күні аталып өтетінін еске салайық.
