Бүгін және алдағы күндері өңірдің бірқатар жол учаскелеріне шектеу енгізілуі мүмкін. «КазАвтоЖол» көлік жүргізушілеріне ескерту жасады, деп хабарлайды F16.kz.
“Қазгидромет” болжамына сүйенсек, 3-4 желтоқсан аралығында қар жауып, боран соғуы және көктайғақ болуы мүмкін.
Қолайсыз ауа райы кезінде көлік жүргізушілері жол ережесін қатаң сақтауға тиіс. Сапарларын алдын ала жоспарлап, жолға шығар алдында жолдың жағдайын біліп алған жөн. Сондай-ақ қар тазалау техникасы жұмыс істеп жатқанда арақашықтықты сақтау керек. Автожолдарда шектеулер енгізілуі мүмкін, — делінген хабарламада.
Республикалық маңызы бар жол учаскелерінің жағдайы туралы 1403 нөмірі арқылы және “Дармен” қосымшасы арқылы білуге болады.
