Шығыс Қазақстанда жыл бастала салысымен 34 жол-көлік оқиғасы тіркелді. Оның басым көпшілігі Өскемен қаласында болған, деп хабарлайды F16.kz.
Облыстық полиция департаментінің мәліметіне сүйенсек, жол-көлік оқиғаларының негізгі себептерінің бірі – мас күйде көлік тізгіндеу.
34 жол апаты тіркеліп, 1 адам жарақат алды. Сондай-ақ мас күйінде көлік басқарудың 10 дерегін анықталды, — деп хабарлады ШҚО ПД баспасөз қызметі.
Осыған байланысты полиция департаменті жүргізушілерді жол қозғалысы ережелерін қатаң сақтауға, көлік тізгініне мас күйінде отырмауға және өз қауіпсіздігі мен өзге жол қозғалысына қатысушылардың өміріне жауапкершілікпен қарауға шақырады.
