Өскемен-Самар тас жолында жол-көлік оқиғасы болды. Shacman жүк көлігінің жүргізушісі қолайсыз ауа райында қауіпсіз жылдамдықты сақтамай жолдың жиегіне шығып, аударылып қалған, деп хабарлайды F16.kz.
Оқиға 22 желтоқсан күні сағат 16:00 шамасында болған.
Оқиға орнына патрульдік полиция қызметкерлері жедел жетті. Олар қауіпті аумақты қоршауға алып, жол қозғалысы қауіпсіздігін қамтамасыз етті. Сонымен қатар жүргізушіге көмек көрсетіп, жүк көлігін қар құрсауынан шығару шараларын қабылдады. Қазіргі уақытта аталған жол учаскесінде қозғалыс толық қалпына келтірілді, — делінген ШҚО ПД баспасөз қызметінің хабарламасында.
Шығыс Қазақстан облысының Полиция департаменті жүргізушілерді жылдамдық режимін сақтауға, ауа райының қолайсыздығын ескеруге және қала сыртындағы жолдарда барынша мұқият болуға шақырады.
