Бұл туралы ШҚО әкімі Нұрымбет Сақтағанов бүгін өткен облыстық мәслихаттың кезекті сессиясында айтты, деп хабарлайды F16.kz.
Облыс орталығында салынатын екі нысанның бірі биылғы 1 қыркүйекте қираған «Шнайдер» көпірінің орнына сол жерде, Кіші айналма жол бойында ірге тебеді. Ал екіншісі Виноградов көшесі маңында Ертіс өзенінің үстінен түседі.
Бұл көлік қатынасының байланысын жақсартып, транзиттік әлеуетті арттыруға мүмкіндік береді, – деді өңір басшысы.
Сонымен қатар аймақ басшысы Ертіс көпірі тұсында екі жолайрықтың құрылысы жүріп жатқанын атап өтті. Аталған құрылыс көлік кептелісін азайтуға және көше-жол желісінің өткізу мүмкіндігін арттыруға көмектеседі.
