Шекара маңындағы өңірлерде жанармай айналымына бақылау күшейеді. Бұл туралы Премьер-министрдің бірінші орынбасары Роман Скляр отандық жанар-жағармай нарығындағы жағдай талқыланған кеңесте айтты, деп хабарлайды F16.kz.
Үкіметтің баспасөз қызметінің мәлімдеуінше, жиынға энергетика вице-министрі Әлібек Жамауов, қаржы вице-министрі Ержан Біржанов, ішкі істер министрінің орынбасары Игорь Лепехи, Қаржы мониторингі агенттігі төрағасының орынбасары Қайрат Бижановт, сондай-ақ Ұлттық қауіпсіздік комитеті Шекара қызметі өкілдерінің қатысты.
Роман Скляр мемлекеттің басты міндеті ішкі қажеттіліктерді қамтамасыз ету екеніне назар аударды.
Күн тәртібінде ішкі нарықты жанар-жағармаймен тұрақты қамтамасыз ету және шекара маңы облыстарындағы мұнай өнімдерінің айналымына бақылауды күшейту мәселелері қаралды.
Энергетика министрлігінің мәліметінше, нарықтағы жағдай тұрақты, қажетті отын қоры жеткілікті.
Жиын соңында Премьер-министрдің бірінші орынбасары жауапты мемлекеттік органдарға мұнай өнімдерінің заңсыз ағынына жол бермеу және мемлекеттік шекарада бақылауды, оның ішінде өңірлерде тауарлар қозғалысы мен отын шығынына мониторинг жүргізу арқылы бақылауды күшейту бойынша егжей-тегжейлі жоспар әзірлеуді тапсырды.
Роман Скляр бағадағы алшақтық пен логистика тапшылығының пайда болуына жағдай жасамауы керектігін атап өтті. Бұл мәселе Үкіметтің жіті бақылауында болады.
